Our Hymn
A Legacy of Excellence
United by History, Driven by Excellence, and Inspired to Serve
Makasulat king kaxalesyan,
Keti sale ning kapampangan
Maluka mung pegumipisan
Kekang payintungulan
Mumuna at Manimuna ka
King pamagbayung panagimpan
Luid ka! Pipagaralan ming
Pagmaragul at palsintan
Tiru mukeng maging mayap
memaleng matenakan
kambe ding talaturu ming
mipnu king gelingan
Matas a Pipagaralan
Ning labuad kapampangan
Sidduan naka ning kabiasnan,
Santungan ding pantas at maglalang
Dangal naka ning balen ku,
Dangal ding pipumpunan ku
Pinanari king aslagan
Karinan mi’t guyabnan,
Pampanga High School!
Panandam ming makabalen,
Tenam mu king pusu mi
Masabal mi king indung labuad,
Ikang mituru kekami
Lugud king kaparang tau
Kakalabkab king salu mi
Kasalpantayanan king apung ginu
Iyapse ding kekaming labi
Amanu: Mark David M. Jaime
Sunis: Joel P. Gueco